Starta uka med ei lita forelesning med den finske arkitekten Sami Rintala som for tida underviser på AHO. Han jobbar mykje med enkle og minimale byggeprosjekter, og eit av de mest kjente er Hotel Kirkenes som han m.a. blei nominert til Forum Aid-prisen for i 2007. Bygget skal angivelig vere verdens minste hotell, på berre 20 m2 og med 2 soverom. Grunnflata er 2,5 x 6 m og det drives i dag av Via-gruppa. Bakgrunnen for utforminga var at når ein er på hotell i Kirkenes får ein følelsen av at ein kunne ha vore kvar som helst i verda. Rintala ville ta tak i dette ved å lage eit bygg som til dei grader forholder seg til omgivelsane og utsikta. Total byggekostnad var kr 60 000,- og det blei reist på ti dager. Arkitekten var med på heile byggeprosessen, og Rintala legg stor vekt på deltaking frå arkitektens side. Han meiner at ein då lærer bygget bedre å kjenne, og ein lærer også meir om materialer og korleis dei oppfører seg i praksis. Rintala ser derfor framleis på seg sjølv som ein arkitektstudent innanfor enkelte felt.
Då Rintala vart uteksaminert i Finland i 1999 jobba han eit par år som tradisjonell arkitekt før han "gjekk lei" og gjekk over til ei meir kunstnarleg tilnærming. Han fekk då bygge meir midlertidige bygg, og som Magne Magler Wiggen har snakka om tidlegare får ein då anledning til å lage meir utradisjonelle bygg og ting som ein har meir sansen for sjølv. Rintala oppsummerer dette med setninga: "Do what you like so that you can defend it."
No comments:
Post a Comment