Å vakne

i eit lafta hus frå tjuetalet. Som er mor di sitt hus. Men ho er ikkje heime. Det er berre du i heile huset. Og du ligg på loftet. I ei dobbeltseng med to dyner. Åleine.

Og det er så varmt. Og du er så tørst. Og du reiser deg opp. Og du er naken. Og du opnar loftsvindauget. Og legg deg igjen.

På hylla over senga står glaset med vatn du sette fram til deg sjølv. Og så tenkjer du på den setninga frå The National sin sang You've Done It Again, Virginia: "A tall cool drink of water is all you ever wanted to be." Eller noko slikt. Og så drikk du. Og somnar igjen.